Wafa Nahi Milti by Dr. Mumtaz Munawar

غزل

محبتوں کی روایت ذرا نہیں ملتی

جہاں میں ڈھونڈ کے دیکھا وفا نہیں ملتی

نہ دل کی آہ سنی درد بھی نہیں سمجھا

کہیں بھی اس کی مثال جفا نہیں ملتی

چلا کے تیر دل ناتواں پہ ظالم نے

دیا ہے زخم وہ جس کی دوا نہیں ملتی

چلوگے راہ پہ شیطان کی جو اے لوگو

تو زندگی میں سکوں کی فضا نہیں ملتی

نہ بھولتے کبھی پیغام آپ کا تو پھر 

کبھی ذلیل نہ ہوتے سزا نہیں ملتی

اثر کرے جو دلوں پر تڑپ ہو ایماں کی

بلال جیسی اذاں کی صدا نہیں ملتی

Dr. Mumtaz Munawar

3C Shri Vallabh Soc

Boat Club Road

Pune 411001

Maharashtra.