Gazal Majboor by M Serwer Pandualvi

    *غزل*

*کس   قدر     آدمی     ہوا   مجبور*

*بے   اثر    ہے    دعا ،   دوا   مجبور*  

*آدمی   آدمی    میں    دوری   ہے*

*ایک   تنہا   ہے    دوسرا   مجبور* 

*سارے  عالم پہ دسترس تھی کل* 

*ایک   ذرّ ے   نے   کر  دیا   مجبور !*

 *گھر میں محصور  ہو کے بیٹھاہے* 

*کر بھی پائے  گا  کیا  بھلا مجبور* 

*چھوڑ دوں  کیا جلانا  ؟ بجھنے پر*

*کر    رہی  ہے   ا گر     ہوا    مجبور* 

 *مسجد وں میں بھی جانہیں سکتے*

*ہو     گئے    کتنے     پارسا    مجبور*

*اس اندھیرے میں کچھ  نظر آئے*

*چلئے   مانا  کہ  ہے  دیا     مجبور*

*توُ  نے  اشرف   بنایا   تھا   جسکو* 

*کس   قدر  کر  دیا    خدا  مجبور* 

*اتنی    مجبوریاں   !   ارے   توبہ* 

*کوئی  سرورٙ  ہے   آپ  سا  مجبور*

      ✒ *م ، سرور پنڈولوی*