1
غزل
Aslam Saifi
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمام رات مسلسل جگا رھا ھے مجھے
کسی کا پیار بھت یاد آ رھا ھے مجھے
سکون اسکو بھی حاصل نھیں بیکل ھے
ھوا کا جھونکا یہ آ کر بتا رھا ھے مجھے
میں اک غزل ھوں محبت سبھی کی حاصل ھے
پڑھا کسی نے کوٸ گنگنا رھا ھے مجھے
اے دوستو مجھے روکو نہ مجھکو جانے دو
کوٸ حسین اشارہ بلا رھا ھے مجھے
میں جس پہ کر چکا قربان اپنی ھستی کو
خدایا خیر وھی آزما رھا ھے مجھے
نظارو آنکھیں ذرا دیر کو تو بند کرو
مرا حبیب گلے سے لگا رھا ھے مجھے
کلیجہ ھو گیا پانی رقیب کا سیفی
سمجھ کے راہ کا پتّھر ھٹا رھا ھے مجھے
2
غزل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آجکل ھے گلیوں میں زوردار سناٹا
شور و شر پہ حاوی ھے باوقار سناٹا
انقلاب کا دستہ کیا ادھر سے گزرے گا
کر رھا ھے یہ کس کا انتظار سناٹا
لے اڑی ھوا شاٸد کچھ زمیں کی ھلچل
ھے نظامِ شمسی کا تار تار سناٹا
ابتداۓ علم و فن اک حسین ھنگامہ
اور انتھا اس کی بردبار سناٹا
شھر شھر ھنگامہ گاٶں گاٶں میں شورش
جنگلوں میں رھتا ھے بے قرار سناٹا
پھر کبھی نہ آۓ گا تو ھمارے قصبے میں
ھم کریں ترا کیسے اعتبار سناٹا
قبر پہ مری آۓ کون کس کو فرصت ھے
آ گیا ھے پھولوں کا لیکے ھار سناٹا
ھمکو بزمِ راحت میں اطمینان ھے سیفی
کیوں ھمیں بلاتا ھے بار بار سناٹا
Aslam Saifi
C/o Naushad Nadan
New Style tailors
10. Law road.Gaya
No comments:
Post a Comment