ناظم قادری کی غزلیں

           

۔۔۔۔۔ناظم قادری 

شعبئہ اردو  این۔این۔کالج سنگھاڑہ ,ویشالی,(بہار)۔۔۔۔۔

                غزل  1

جو عرفانِ  نظر کا        جام لوں گا

زبانِ دل       سے    تیرا   نام لوں گا

بصیرت کی ہو جس سےشمع روشن

وہی  میں  بادہِْ         گلفام   لوں گا

جنوں میں ٹوٹ کر بکھراہے پھر بھی

"دلِ پردرد  سے کچھ کام     لوں گا"

حر یمِ  ناز   سے         آجا   نکل  کر

مچل کر تیرا دامن تھام     لوں     گا

تمہارا   نام    اے            ماہِ    منور

ادب    سے ہر گھڑی ہر      گام لوں گا

نوازش  آپ کی       ہے   یا ستم  ہے

وفا  کے  بدلے کیا       انعام  لوں  گا

ہے سایہ  دار  یادوں       کا شجر تو

وہاں چل کر   ذرا           آرام لوں گا

کہاں تک دشمنوں     کو دوں دعائیں

کہاں تک آپ   کا دشنام         لوں گا

حسد,  کینہ,  عداوت,  قتل,    نفرت

نہ ہو جس میں وہ صبح و شام لوں گا

دل دیوانہ  الفت  سے         تو    باز  آ

 نہ   ہرگز     تحفئِہ آلام           لوں گا

میں لفظوں کا مصّور ہوں      اے ناظم

میں    تصویرِ    رخِ    ایّام       لوں گا

                      -----------

                غزل 2

عطا  پھر   نالئہ  شبگیر کر دے

مرے دل کا جہاں تعمیر کر دے

نہ سر باطل کے آگےخم کبھی ہو

وہ دل میں جذبئہ شبیر کردے

حصار چشم سے نکلوں نہ باہر 

"  مرے پاؤں میں تو زنجیر کر دے

غم جاناں رہے دل میں سلامت

بس اتنا کاتب  تقدیر  کر دے

کسی کے  کام  آنا   چاہتا   ہوں

تو میری خاک کو اکسیر کردے

حسیں اک خواب جو دیکھا تھا میں نے

اسے      شرمندۂ تعبیر    کردے

عطا ناظم کو خاک در کے صدقے   

متاع عشق کی جاگیر  کر دے

               --------------

موبائل نمبر۔  9631046456